.: Монгол Улсын Хүүхэд Асран Хүмүүжүүлэх Төв Цэцэрлэг :.

Францын "AREVA" группийн хамт олон бидэнтэй нягт холбоотой ажилладаг бөгөөд хамтран ажиллаж буй хугацаанд тус цэцэрлэгийн гал тогоонд иж бүрэн засвар хийж, "Дэгдээхэй" бүлгийн анги танхимд мөн иж бүрэн засвар хийж, бүрэн тохижуулж өгсөн юм. Цаашдаа ч хамтран ажиллана гэдгээ мэдэгдээд байгаа юм.

"Орифлэйм-Монгол" ХХК-ны Сэлэнгээ захирал, түүний хамтран зүтгэгчид манай хүүхдүүдийг үргэлж баярлуулж байдаг юм. Жил бүрийн шинэ жил, хүүхдийн баяраар сонирхолтой бас амттай сайхан бэлгийг хүртээдэг төдийгүй, зөөлөн эдлэл, ариун цэвэр, гоо сайхны хэрэглэлээр байнга тусалж байдаг сайхан сэтгэлтэй хамт олон билээ.

Байгуулагдсан цагаасаа эхлэн тус цэцэрлэгийн өнчин бяцхан хүүхдүүдэд буяны гараа сунган улмаар сэтгэл зүрхээрээ бидэнтэй нэгдэн эдгээр хүүхдүүдийн ирээдүйн сайн сайхны төлөө ажиллаж байгаа эрхэм хамт олон юм.